Summer Flu Blues
بلوز زكام الصيف.
امبارح نزلت باك تراك وقلت النهاردة انزل فيديو ارتجال عليه عشان وانا بعمله جاتلي كذا فكرة كنت حابب أجربهم.
المهم في ليلة واحدة الدنيا اتغيرت وجالي دور زكام شديد ومناخيري سابت وبقت حاجة أخر زروطة ومناديل وقرف زي مانتم شايفين في الفيديو
المهم في ليلة واحدة الدنيا اتغيرت وجالي دور زكام شديد ومناخيري سابت وبقت حاجة أخر زروطة ومناديل وقرف زي مانتم شايفين في الفيديو
مش عايز اقرفكم معايا بس الموقف ده فكرني بموقف تاني مشابه حصل من سنة تقريبا في 2016.
وكان من المواقف الغريبة اللي اترتب عليها أحداث كثير بعدها, نفس الحكاية في ليلة من ليالي العمر لقيت جالي دور زكام بس كان معاه حرارة ساعتها. قبل ما الحرارة تشتد عليا قعدت على الكيبورد ادندن شوية كوردات كده وفجأة افتكرت مجموعة قديمة وحبيت العب عليها واعيد توزيعها وانتاجها في شكل باك تراك يساعدني العب عليها صولو وأشاركه مع صحابي أو اللي بيحبو المزيكا عامة.
وكان من المواقف الغريبة اللي اترتب عليها أحداث كثير بعدها, نفس الحكاية في ليلة من ليالي العمر لقيت جالي دور زكام بس كان معاه حرارة ساعتها. قبل ما الحرارة تشتد عليا قعدت على الكيبورد ادندن شوية كوردات كده وفجأة افتكرت مجموعة قديمة وحبيت العب عليها واعيد توزيعها وانتاجها في شكل باك تراك يساعدني العب عليها صولو وأشاركه مع صحابي أو اللي بيحبو المزيكا عامة.
المهم في النص الحرارة ابتدت تزيد ومقدرتش أكمل فقمت أفرد على السرير وسبت الكوردات شغالة لوب بصوت بيانو فقط من غير اي آلات تانية وفضلت نايم على السرير بفرفر من الحرارة لكن الغريب اني كنت حاسس اني مبسوط جدا ولقيت افكار كثير بتيجي في دماغي وانا قاعد اسمع اللوب ده على مدار ساعتين تقريبا وقعدت أدندن بصوتي لحد لما مراتي كانت بتشد في شعرها وأكيد الجيران كلهم كانو مشاركينها نفس الشعور
لكن كثر خيرها في الأخر ادتني حباية اسبرين قالت يمكن تنهي المهرجان ده على خير!
لكن كثر خيرها في الأخر ادتني حباية اسبرين قالت يمكن تنهي المهرجان ده على خير!
أول لما الحرارة ابتدت تنزل كنا في نص الليل, قمت قاعد على المكنة ولقيت نفسي بكل هدوء قمت راصص تراكات بيز ودرامز ووتريات وشوية تحابيش من اللي كنت سامعها في دماغي وانا بفرفر على السرير قبل مانساها أو تتلخبط وتتحول لحاجات تانية.
بعد كل ده و في خلال اسبوعين كنت خلصت الباك تراك وحملته على قناتي على اليوتيوب وعمل ضجة غير عادية والحمد لله جالي عن طريقه فرص شغل كثير وكان فاتحة خير بالنسبة لي ومازال من أكثر التراكات اللي عملتها نجاح ومشاهدات
التراك هنا واسمه “What If I Was Wrong”
https://youtu.be/-g-2KJ3gZ4c
https://youtu.be/-g-2KJ3gZ4c
الجام اللي في فيديو النهاردة كنت حابب اعمله حاجة 3 دقائق في السريع كعينة على الباك لكن برضه بفضل الزكام والحر والرطوبة ماخدتش بالي غير لما الباك خلص وقطع 17 دقيقية. طبعا في غلطات بالجملة وميت حاجة محتاجة تتحسن. ده غير القرف والمناديل.
لكن انا قلت اسيبه زي ماهو لأنه فكرني بالباك القديم وفي نفس الوقت ممكن ابقى استفيد من الافكار اللي فيه واطورها بعد كده ان شاء الله.
لكن انا قلت اسيبه زي ماهو لأنه فكرني بالباك القديم وفي نفس الوقت ممكن ابقى استفيد من الافكار اللي فيه واطورها بعد كده ان شاء الله.
لو الزهر لعب تاني يبقى شئ جميل جدا طبعا ولو مالعبش يبقى الحال على ماهو عليه..
لكن على الأقل كان في 17 دقيقة في الحياة أحسن من غيرهم كتير
خاصة ان العيال اللي بيعملو دوشة في الشارع كانو نايمين
وكلب الجيران ماكانش هيجان
لكن على الأقل كان في 17 دقيقة في الحياة أحسن من غيرهم كتير
خاصة ان العيال اللي بيعملو دوشة في الشارع كانو نايمين
وكلب الجيران ماكانش هيجان
(ال-زائر)
No comments:
Post a Comment
please leave us a comment to improve our blog