عن العزف والتأثر بالموسيقيين

لما بتبتدي تلعب جيتار أو اي ألة موسيقية في الغالب بتكون مشدود لستايل معين او عازف معين

بتعجبك طريقته في التعبير عن الافكار الموسيقية بالعزف او الغناء. 🎸

من أوائل الناس اللي حبيت موسيقاهم واتأثرت بيهم حتى من قبل ماعرف اساميهم او هم من اي بلد كانو

جيبسي كينجز - جاري مور - برايان ادامز وطبعا سلاش مع فرقة جنز ومع مايكل جاكسون.

ده بجانب الموسيقى العربي اللي كنت ومازلت بسمعها من اول ام كلثوم وعبد الوهاب

مرورا بالجيتس ويحيى خليل وبعمرو دياب وحميد وخيرت ومنير وغيرهم كثير لحد النهاردة.


الكلام ده كان مستمر لحد لما ابتديت اكتشف الهارد روك والميتال.

ايرن مايدين - موتور هيد - بلاك ساباث - ميتاليكا - بون جوفي - سكوربيونز ...

ودي كانت المرحلة اني قررت فيها اني لازم اعزف جيتار.. كنت بعزف كيبورد قبل كده وعلى ايامي كنا نقول عليه اورج.

بعد كده ابتديت اعرف انا محتاج اركز على ايه اكثر ..

ومن ساعتها كان اهتمامي الأول بالموسيقى السادة,

من غير كلمات. كان عندي شغف كبير اني احاول افهم الموسيقى دي ايه

وازاي بتعمل تأثير على اللي بيسمع وايه اللي بيميز الستايلات والقوالب المختلفة.

ده اللي خلاني اركز وقتي وطاقتي مع عازفين عمالقة ومميزين زي

ساترياني - جامبالي - اندي تيمونز - فيني مور - ال ديميولا

باكو ديلوسيا - اوتمار ليبرت - جوفي - جريج هو - جو باس ... على سبيل المثال.. لا الحصر

في الأول كان بتعجبني تعليقات على عزفي وانه شبه جو ساترياني..

وكان بالفعل هدفي اني اعمل نسخة من طريقته تناسب افكاري الموسيقية.

لكن مع الوقت ابتدى احساسي بالتعليقات دي يختلف. ممكن ابتديت احس بيها كنوع من النقد.. مش الاعجاب. 👀

بوقفة بسيطة مع نفسي مش هقدر انكر اني متأثر جدا بالماستر الحاج جو 🙏
لأني ذاكرت كثير من دروسه وكتبه وده شرف حقيقي ليا.

وان كنت متأكد اني بعيد جدا عن مستواه وعبقريته ولا أدعي عشرها.

كمان مش هقدر انكر ان موسيقاه كانت صحبة وعشرة معايا في كل مكان

ومع اختلاف الظروف والأحداث لفترة مستمرة حوالي 20 سنة

عمري ماحاولت اني افرمل نفسي او اني اتعمد اني ابني نفسي موسيقيا في اتجاه معين,

لا عشان ابقى زي حد ولا عشان اختلف او اتميز عن حد.

اتجاهي يتبع الغريزة والاحساس اكثر ودايما هدفي ان اللي ييجي في دماغي ابقى قادر

اني اعزفه بشكل حلو على الجيتار سواء شبه ستيف فاي او بي بي كينج او حتى عبد الباسط حمودة او طارق الشيخ.

كانت النتيجة اني محمل بتأثيرات موسيقية من موسيقيين كثير جدا

مش عازفين جيتار بس ومنهم مش موسيقيين اصلا.

زي كثير من المشايخ الكبار والقراء العظماء.

ده بيسعدني وبستمتع بإني امزج افكاري واسلوبي الشخصي مع كل البهارات والمكونات دي. 🍕

معليش خدني الكلام وطولت كثير عليكم.. 

التراك ده من تراكاتي اللي فيها ميكس شوية حاجات مع بعض
مع جرعة شبه منعدمة من اسلوبي المعتاد اللي بيكون في طابع شرقي
اول مرة اخد بالي من ده لما سمعته كمحلل او ناقد..
. من البوم الزيارة - الجزء الثاني اصدار 2015

Oriental Hijaz Guitar Licks - Extra 07

Oriental Hijaz Guitar Licks - Extra 07

For more Arabic guitar licks you can check my 15 licks pack here
http://www.arabicguitar.net

Backing Tracks For Improvisation & Singers (Nov 2018)

Backing Tracks For Improvisation & Singers 

(Nov 2018)

 

5 Backing tracks for improvisation lovers, singers, musicians and all.

All backing tracks are designed for you to improvise and practice soloing along. Scale maps are shown during video playback to give you a visual help and let you focus on playing and phrasing. With time and dedicated practice you will master the scales you play, visualize them and train your ears to distinguish between the different colors and tastes.

Various keys, modes and tempos. 50+ minutes of pure background music to practice guitar technique, ear training, fretboard visualization.

Best way to practice playing as tested and applied by 100's of musicians around
the world.

#guitarbackingtracks

Andy Timmons - Cry For You (IBANEZ 2018 CLINIC)

Andy Timmons - Cry For You (IBANEZ 2018 CLINIC)

عن الجام و قعدات الارتجال

عن الجام و قعدات الارتجال

سلامو عليكم

مبسوط ان في كثير مهتمين بالارتجال

وانه زي ما في عشاق للتأليف والتلحين ولعزف الأغاني المشهورة

في كمان عشاق للتقسيم والارتجال

ممكن تسمعو التراك ده لو هيسليكم في قراية البوست ده لأخره
دي مقطوعة بعنوان من حين لأخر
من تاليفي بالاشتراك مع صديقي محمد سامي في 2012

انا عمري ما كملت دراسة موسيقى بشكل اكاديمي,
لكن بحاول اجمع معلومات مفيدة من هنا ومن هنا

عن طريق متابعة ومشاهدة عمالقة الارتجال سواء جوا او بره مصر

سواء عربي او انجليزي او حتى عن طريق ترجمة لغات تانية..

اسباني/تركي/ايطالي/برتغالي/روسي/فارسي

حبيت اشارك معاكم النقط اللي في البوست ده من تجربتي

تحت عنوان "رحلة الولهان في اداب الجام" اي بتنجان!! J

في كذا صديق سألوني ايه اكثر حاجات بتبسطك في الجام

وانا هنا بسالكم نفس السؤال وبليز اكتبولي رايكم في التعليقات

دي كام نقطة في شكل نصايح بخصوص الموضوع ده

1-      قعدة الجام Jam Session  زي محادثة او حوار بين طرفين او اكثر. لازم يبقى فيها فرصة متساوية لكل طرف انه يتكلم بحرية لكن في نفس الوقت لازم يكون فيها استماع مماثل بكل احترام واهتمام. طبعا مش كل القعدات لازم تكون جادة وصارمة. المقصود بس ان يبقى في وعي عن حتة احترام جميع الاطراف اللي في الجام وان كل الموجودين يكون ليهم فرصة تعبير فني متساوية

2-      لا للكسل لا للفوضى مش مهم أي جير او المعدات اللي هتستخدمها في الجام, لكن على الأقل الألة الاساسية اللي هتستخدمها في الارتجال لازم تكون في حالة كويسة. في الجيتار مثلا لازم يكون متون او على الأقل مضبوط انه يتون بسهولة وبسرعة. لو اوتارك مصدية او كبلاتك ملمسة مش من المنطقي ان القعدة تقف في انتظار سعادتك لما تضبط دنيتك! أي حاجة اساسية في عزفك يفضل تكون جاهزة..

كابلات – بيكات – تراكات – بطاريات - افشخانات..

الكلام ده مش مكلف ومش هياخد منك اكثر من 10 دقائق تشييك او استعداد قبل ما توصل مكان الجام

3-      لا للانفراد  لو هتلعب لفة كوردات مثلا لازم تعمل حسابك ان العازف اللي معاك يلعب بنفس القدر بالضبط. مثلا لو بتلعب بلوز وانت بتلعب لفتين 12 بار عند اخر لفتك لازم توقف وتدي فرصة لزميلك في الجام انه يلعب لفتين زيك بالضبط. من غير مقاطعة ومن غير تدخل بشكل فيه تشتيت او تغطية على ارتجال زميلك. لو قررت انك تسرح دقيقة كاملة في دورك لازم بعدها تحترم دور زميلك وتديله دقيقة كاملة تمام زي مانت لعبت. فاكر الواد اللي معاك في المدرسة اللي لما بيمسك الكورة مش بيباصي لحد؟ J

النقطة دي مهمة جدا وعلى اساها الجام ممكن يتحول من اي كلام وتضييع وقت لحاجة محترمة ومشوقة

لكل العازفين وكل المستمعين

4-      لا للمقاطعة لو في سلم معين انت مش متمكن منه او في فكرة لاين معينة جت في دماغك في وسط الجام مش من الصح انك تبتدي تتمرن عليها وانت مش في دورك او وقت ما زميلك هوا اللي بيرتجل. لو حبيت ممكن تمرن عينيك على اماكن السلالم وده هيساعدك كثير انك تطور من نفسك على الجيتار أو اي ألة بتعزف عليها. لو بتلعب مع حد مستواه اعلى منك ممكن بكل بساطة تسأله عن السلم او الكوردات اللي انت مش عارفها. كمان لما تلعب مع حد مبتدئ من واجبك انك توجهه او تساعده قبل الجام.

5-     نعم للتناغم والتوافق  حاول توصل لموجة مستقرة ومقاربة لموجة الجام العامة او مستوى الطاقة (الفايب) الغالب مع زميلك او العازفين اللي موجودين معاك في الجام. بمعنى لو العزف هادي ورايق وعلى مهله زي بلوز بطيئة مثلا مش من المنطقي انك تخش في دورك ترزع وتتشقلب وتعزف كانك فجأة بتلعب مع ميتاليكا على المسرح! المستوى الديناميكي وشدة العزف من الحاجات اللي هتفرق كثير جدا لما تركز عليها وتستوعبها. ومع الوقت هتوصل انك مع اي عازفين ممكن تتنقلو بين المستويات المختلفة دي بشكل تلقائي وغير فجائي وغير ملحوظ وحتى من غير كلام بمجرد النظر..

6-      لا للاصطناع حاول تبعد عن الاستعراض من اجل الاستعراض والافتعال. تخيل مثلا لو ماتش كورة ابتدى ومن اول لمسة قام محمد صلاح ماسك الكورة وطالع يستعرض ويرقص الفرقة كلها وعايز يجيب جون! هل ده سلوك معقول؟ نفس الفكرة في العزف. الحرفنة والصياعة ما بتجيش بالاصطناع والافتعال. كقاعدة اساسية التلقائي والبسيط دايما بيكسب. لكن لو الجام تتطور وسخن وجاتلك فرصة تبدع يبقى ده توقيت سليم وانك تستعرض في توقيت زي ده هوا الصح وهو احسن حاجة ممكن تتعمل. تماما زي لما صلاح يستلم كورة من هجمة مرتدة ويستغلها بمهاراته في احراز هدف فشيخ في الشبكة.

7-    نعم للابداع لا للنقش  كلنا كموسيقيين وعازفين بنتأثر بالموسيقى اللي بنسمعها. وكلنا ممكن نلقط ونتأثر بافكار من بعض. اللي بيفرق فنان حقيقي عن غيره هو مستوى ابداعه وعلاماته المميزة ولزماته. حاول تبعد عن النسخ سواء من زميل ليك او من نجم مشهور. وحاول انك تكون واعي لما تنسخ من حد, مش من الظريف انك تنسخ اسلوب حد وتنسبه لنفسك او تعمل عبيط! حاول تبني مكتبة لمفرداتك وافكارك الموسيقية مع الوقت. وده بييجي من ممارستك للارتجال والعزف بشكل جاد ومنتظم.

طبعا كل ما تستمر وتواظب على العزف قدرتك على ترجمة افكارك لجمل موسيقية بتزيد حتى انك توصل لعزف اي فكرة تخطر على بالك في لحظتها.

المقصود من البوست ده مشاركة بعض النقط المهمة لكن طبعا البوست ده مش مقدس ومش معناه انه كل اللي فيه صح مطلق او ينطبق على كل المواقف والمناسبات. الهدف الاساسي هو نشر الفكرة عند المبتدئين والمهتمين سواء عازفين او مغنيين او غيره. وزي ما قلت انا مش اكاديمي ولا ادعي خبرة انا بعيد عنها.

لو عندكم اي افكار اكتبولي في الكومينتات.
ولو حد مهتم تعرفوه بليز شيرو معاه البوست

وشكرا لكل الأسئلة والاقتراحات

Sad Winter Night - Full jam by #chusss

Sad Winter Night - Full jam by #chusss

The full jam (6+ minutes) Sad Winter Night #chusssmusic
Here is a link to the full backing track https://youtu.be/GjmirMFiYIs

Check my social media for more guitar music and videos
and my websites for more tracks and backings
www.chusss.com
www.onlybackingtracks.me

All Over The World Jam "Rockin' In The Free World"

Musicians From All Over The World Play "Rockin' In The Free World" Together

E Minor Rock Ballad Guitar Backing Track (2018)

E Minor Rock Ballad Guitar Backing Track (2018)

This backing track is based on a verse that is inspired by the band Desert from Egypt.

It is one of the early chords I learned as I started to play the guitar. Thanks to my friend Ezz who introduced me to such great music and helped me with my first steps to play and improvise.

Here is the chords progression

check the video for the scales you can use with chords display. My improvisation will be posted soon :) It would be good if you post your video too.

Join my page here for more guitar music and backing tracks for improvisation

Only Backing Tracks

12 Bar Blues Triads in Cm

12 Bar Blues Triads in Cm

Triads used.

Martin Miller & Tom Quayle - Isn't She Lovely (Stevie Wonder)

Martin Miller & Tom Quayle

Isn't She Lovely (Stevie Wonder)

Music Backing Tracks For soloists, singers and all musicians - Jan 2018

Music Backing Tracks 

For soloists, singers and all musicians - Jan 2018

Here is a list of all tracks released in Jan 2018 on my Youtube

You can practice improvisation on your favorite instrument using the following scales

(all scale charts and chords are included in the videos)

E Minor

E Blues

D Minor

D Dorian

G Minor